მართვის მოწმობის პრაქტიკული გამოცდის მეორე ეტაპის სიმულაცია

გადახდა, მიწოდება და თანხის დაბრუნება

ბოლო განახლება: 2026 წლის 17 სექტემბერი

ამ გვერდზე წერია, რას ყიდულობ, როგორ იხდი, როდის ირთვება წვდომა და რა შემთხვევაში ბრუნდება თანხა. ეს გვერდი მომსახურების პირობების ნაწილია.

1. რას ყიდულობ

• ერთი ქალაქის წვდომას: ამ ქალაქის ყველა საგამოცდო მარშრუტს გამოცდის და სავარჯიშო რეჟიმში, ქალაქში თავისუფალ მართვასთან ერთად.
• წვდომის ვადა — 14 კალენდარული დღე გადახდის მომენტიდან.
• ერთჯერადი გადახდაა: გამოწერა, ავტომატური განახლება და დამატებითი ჩამოჭრა არ არსებობს. ვადის შემდეგ ქალაქი ისევ ჩაკეტილია, სანამ თავიდან არ იყიდი.
• რეგისტრაციის გარეშე ცდა და ის ქალაქები, რომლებსაც საგამოცდო მარშრუტები ჯერ არ აქვს, უფასოა — იხილე ფასები.

2. ფასი

• ფასები ლარშია და საბოლოოა: საკომისიო არ ემატება. მომსახურების გამწევი დღგ-ს გადამხდელი არ არის.
• ყველა ქალაქის ფასი გამოქვეყნებულია გვერდზე ფასები და ჩანს ყიდვის ღილაკზეც, გადახდამდე.
• ფასდაკლების ვადა მითითებულია. გადაიხდი იმ ფასს, რომელიც ყიდვის მომენტში ეწერა.

3. გადახდის წესი

• გადახდა ხდება საბანკო ბარათით (Visa, Mastercard) — საქართველოს ბანკის უსაფრთხო გადახდის გვერდზე.
• ბარათის მონაცემები ჩვენამდე არ აღწევს და ჩვენთან არ ინახება: ბარათის ნომერს შენ ბანკის გვერდზე შეიყვან. ჩვენ ვიგებთ მხოლოდ იმას, გადახდა შესრულდა თუ არა.
• გადახდას ადასტურებს ბანკი (მათ შორის, 3-D Secure-ით, თუ შენი ბანკი ამას ითხოვს).
• ყიდვამდე მონიშნავ, რომ წვდომა მაშინვე ირთვება — იხილე მე-5 პუნქტი.

4. მიწოდება

მომსახურება ციფრულია, ფიზიკური მიწოდება არ არსებობს. წარმატებული გადახდისთანავე ქალაქი იხსნება შენს ანგარიშზე და მაშინვე შეგიძლია შესვლა. რამდენი დღე დარჩა, ქალაქის ბარათზე წერია.

თუ თანხა ჩამოგეჭრა და წვდომა არ ჩაირთო, მოგვწერე — ჩავრთავთ ან თანხას დაგიბრუნებთ.

5. ხელშეკრულებაზე უარის თქმის უფლება და მისი გამონაკლისი

„მომხმარებლის უფლებების დაცვის შესახებ“ საქართველოს კანონის მიხედვით, დისტანციურ ხელშეკრულებაზე მომხმარებელს 14 კალენდარული დღის განმავლობაში შეუძლია უარი თქვას მიზეზის მითითების გარეშე (მე-13 მუხლი).

იმავე კანონის მე-14 მუხლის მე-2 პუნქტის „მ“ ქვეპუნქტით, ეს უფლება არ ვრცელდება ციფრულ შინაარსზე, რომელიც მიწოდებულია არამყარი მატარებლით, თუ შესრულება დაიწყო მომხმარებლის წინასწარი თანხმობით და მომხმარებელმა იცოდა, რომ ამით ამ უფლებას კარგავს.

6. როდის ვაბრუნებთ თანხას

• ხარვეზი ჩვენს მხარეს. მომსახურება არ მუშაობს ან ისე მუშაობს, რომ სარგებლობა შეუძლებელია, და გონივრულ ვადაში ვერ ვასწორებთ.
• ორმაგი ჩამოჭრა ან ერთი ყიდვის ორჯერ გადახდა.
• თანხა ჩამოიჭრა, წვდომა არ ჩაირთო და ჩართვა ვერ მოხერხდა.
• ქალაქი ან მომსახურება შეწყდა შენი ანაზღაურებადი ვადის განმავლობაში — დაბრუნდება გამოუყენებელი დღეების პროპორციული თანხა.

ეს არ ზღუდავს კანონით მინიჭებულ უფლებებს: თუ მომსახურება ხელშეკრულებით გათვალისწინებულ პირობებს არ შეესაბამება, კანონისმიერი გარანტია ისედაც მოქმედებს.

7. როდის არ ბრუნდება

• აზრი შეიცვალა, მაგრამ მომსახურება მუშაობდა;
• ვადა ისე გავიდა, რომ არ ისარგებლე;
• შენი კომპიუტერი ან ბრაუზერი არ აკმაყოფილებს პირობებში გამოქვეყნებულ ტექნიკურ მოთხოვნებს, ან ინტერნეტი არ მუშაობდა;
• ანგარიში შეიზღუდა პირობების დარღვევის გამო.

8. როგორ მოითხოვო

• მოგვწერე contact@kemsilab.com-ზე და მიუთითე: ანგარიშის ელფოსტა, ქალაქი, ყიდვის თარიღი და რა მოხდა.
• როდის: წვდომის ვადის განმავლობაში ან მისი დასრულებიდან 14 დღეში.
• პასუხი: არაუგვიანეს 10 სამუშაო დღისა.
• დაბრუნება: იმავე ბარათზე, რომლითაც გადაიხადე. ბანკს ჩარიცხვა რამდენიმე სამუშაო დღე შეიძლება დასჭირდეს — ეს ბარათის გამომშვებ ბანკზეა დამოკიდებული.

9. საჩივარი

თუ პასუხით კმაყოფილი არ ხარ, შეგიძლია მიმართო საქართველოს კონკურენციისა და მომხმარებლის დაცვის სააგენტოს ან სასამართლოს. ეს შენი კანონიერი უფლებაა და ჩვენთან მიმოწერა მას არ ცვლის.

იხილე აგრეთვე: მომსახურების პირობები · კონფიდენციალურობის პოლიტიკა · კონტაქტი.